Agenda

Juanjo Olasagarreren "Poz aldrebesa" mintzagai

Xehetasunak
Noiz: otsailak 6, 19:00etan
Non: Eibar, Juan San Martin Liburutegia
Harremanetarako
Irakurle taldea: Eibar

Juanjo Olasagarreren

Juanjo Olasagarreren Poz aldrebesa (Susa, 2017) mintzagai izango dute.

Sinopsia:

Bi gizonezkoren bizimodu gorabeheratsua kontatzen du Juanjo Olasagarrek bere hirugarren nobelan: amodioa, lagunartea, politika.

Telebistako kazetaria da Axi Iminizaldu eta Boletin Ofizialaren itzultzailea Joseba Aldaz. Hemeretzi urte daramatzate bikote izaten. Bilboko jatetxe batean afaltzen ari dira, Josebak esan duenean: “Azken boladan zerbait falta zaigu”; Axik bizkor erantzun du: “Boladak izaten dira sexu askokoak eta sexu gutxikoak”; Josebak bota dio: “Orduan kanpoan maiz larru jotzen ari zara?”.

Fideltasunaren eta leialtasunaren arteko aldea bereiztea ez da hain zaila. Edonork egin dezake akordio argi bat kontu horri buruz. Baina gero ez da erraza izaten ardura etikoak eta portaera praktikoak beti bat etortzea. Egia esatearen eta egia ezkutatzearen artean dagoen tarte txikia amildegia bilaka liteke une kritikoren batean.

Bakeak egitea da istorio honen asmoa, ez minaren eta haserrearen aurrean mendekua hartzea.