Agenda

Alaine Agirreren "Kamisoi zuri zetazkoa" liburua mintzagai

Xehetasunak
Noiz: urriak 28, 18:30etan
Non: Elorrio,
Harremanetarako
Irakurle taldea: Elorrio

Alaine Agirreren

Alaine Agirreren Kamisoi zuri zetazkoa (Erein, 2018) liburua mintzagai izango dute. Irudiak: Sara Morante. Saioaren gidaria: Mikel Antza.

Sinopsia:

Hamaika urte zituen uda hartan, gurasoek ingelesa ikasteko kanpamentura bidali zutenean. Nagusia izan nahi zuelako erosi zion amak lehenengo sujetadorea, baina haurra zen oraindik, ez zuen ezagutzen helduen mundua, eta are gutxiago gizon hark jokarazi nahi zion jokoaren arauak.

“Gominola pila bat ekarri zigun. Ez genuela ezer esango agindu genion. Azukrez bustitako gozo bat sartu nuen ahoan eta hotzikara eragin zidan: hain zen dultzea. Nire ohean eseri zen. Izkinan. Beste monitore guztiak festa egiten ari zirela esan zigun. Zehatzak izateko, edaten ari dira, esan zigun. Umeak dira, ondoren. Eta irribarre zabala erakutsi zidan. Gominolaren azukrea okerreko eztarritik joan zitzaidan. Eztul egin nuen. Gorritu egin nintzen. Handiegi neukan kamisoiaren tirantea erori zitzaidan. Polita zaude, esan zidan. Kamisoi horrekin”