Agenda

Garazi Arrula Ruizen "Gu orduko hauek" mintzagai

Xehetasunak
Noiz: martxoak 31, 19:30etan
Non: Ea, Eskolondo
Harremanetarako
Irakurle taldea: Ea

Garazi Arrula Ruizen

Garazi Arrula Ruizen Gu orduko hauek (Txalaparta, 2017) narrazio liburua mintzagai izango dute.

Sinopsia:

Zortzi ipuinez osatua da Garazi Arrularen lehen liburua, eta azken ipuinak ematen dio izenburua obrari: Gu orduko hauek. Gu pluraleko lehen pertsona da. Norbera parte den kolektiboa adierazten du, beraz. Atxikimendu sentimendu bat, eta, aldi berean, multzo horretan ez daudenekiko diferentzia. Ordukok distantzia dakar gogora, iragan den garaia; denborazko distantzia, nahitaez fisikoa, lekuzkoa ere badena. Hauek, berriz, erakusle hurbilena da; ingurukoak adierazten ditu, nahiz eta norbera ez den zaku horretako parte. Hirurak elkarrekin jarriz gero, multzo bakarrean, bereizketa horiek guztiak ikusgarri egiten dira.

Hala, bada, distantzia dago ipuinotan: ezberdinaren aurrean sentitzen den bestetasuna; errealitatea eta fantasia banatzen duen bitartea; desiraren zirrikituetatik sartzen den urruntasuna; senidetasunak gainditzea lortzen ez duen hesia; gizakion arteko inkomunikazio hitsa.