Ikasturtean zehar idazleen apalategietan kuxkuxeatu dugu; uztailean, berriz, haien uda-gomendioak eskainiko dizkizuegu. Nobedade, klasiko eta liburu kuttun bana aipatzeko eskatu diegu. Gaurkoan, Alaine Agirre. (Irudia: Kontraluz Studio; Agirrek utzitakoa).
Booktegi proiektua irakurleon eskura uzten ari den ondarearen baitan aurkeztu du, berriki, Alfonso Sastreren Zutoin beltza (La columna infame, jatorrizkoan). Fito Rodriguezek apailatutako itzulpenaz gain, testuaren antzezpena ere ikus daiteke osorik sarean.
Alguien camina sobre tu tumba (Anagrama, 2021) kronika-liburua argitaratu du Mariana Enriquez idazle argentinarrak, zeinean biltzen baititu hainbat herrialdetako hilerrietara egindako bidaiak. Besteak beste, Donostiakoak aipatzen ditu.
2020ko azarotik abendura bitarte, sormen-egonaldia egin zuen Nahia Zubeldiak Nekatoenean; orain bi aste, egindako lanaren lagin bat erakutsi zuen jendaurrean.
1916an aurkeztu zuen Hugo Ballek Karawane poema fonetikoa. Ehun urte baino gehiagora, dadaismoaren baitan idatzitako testuaren oihartzuna ez da itzali.
Pablo Barrio Armiarmategian (Isil mihisilka) bezalako antzerkiak idatzen ezagutu dugu orain arte. Aste honetan El sitio del fin del mundo lana plazaratu du Txertoa argitaletxearen eskutik, narrazioa, poesia eta antzerkiaren artean kokatu behar genukeen lana. Amuak atalean irakurri dezakezue elkarrizketa laburra.
