Eneko Barberenak jaso du (H)ilbeltza beka
Asteazkena, 2021-01-27Eneko Barberena idazleak V. (H)ilbeltza beka jaso berri du, Xukuneatik aldendu ahala proiektua idatzi ahal izateko, zorionak!
(H)ilbeltza ekimeneko partaideek aurten "Hil (ala) Beltz" egin beharko zutela iragarri zuten; paperezko bideetatik, behintzat, berri onak heldu zaizkigu azkenaldian. Batetik, Miren Gorrotxategiren Sotoan gordeak liburua aurkeztu berri da eta Txalaparta eta (H)ilbeltza bekaren eskutik eta, bestetik, V. edizioko beka nork jaso duen jakinarazi da: Eneko Barberena, Xukuneatik aldendu ahala proiektua idatzi ahal izateko.
Eneko Barberena aspaldiko konplizea dugu Hitzen Uberanen; kasu, Pello Lizarralde eta Xamar elkarrizketatu ditu azkenaldian. Lehenago ere ezagutu diogu beste nobela bat ere: Afrikanerrak (Elkar, 2019). Orain urtebete izango du proiektu berria burutzeko.
Beka saridunaren berri emateko unea. Argazkia: (H)ilbeltza).
Albiste honen uberan: