Egunsentian
zein hemisferiotan sentitzen duzu zirrara?
ez zaitu oraindik inork asmatu
Eguerdian
haizeak zuhaitzen adarrak mugitzen dituen bezala mugitzen zara
hostoak erortzen zaizkizu
eta berriak atera
Gauerdian
esku hotz haiek gogoratzen dituzu
desio dituzu
eta dibertitzea soilik nahi duzu
http://erisentxokoilunetik.blogspot.com.es/
Armak, sokak, piramideak,
aldapak, harriak, kateak,
tronuak, makilak, albisteak,
oroitzapenak soilik izango al dira inoiz?
Sarreran ahaztutako aterkia ikustean
errotik atera zitzaizkidan arratsalde hartako irribarre guztiak.
Iparraldetik etorri zinen
eta nik hatzaparrekin kristala kolpatzen jarraitzen dut
Zure besoak begiratzen ditut
begiak itxia aurretik
eta bitartean aberri bat zutenak zirrikitu bila
airezko harresi zurrunetan
aberri berrien bila
zuhurra den distantzia batetik begiratzen diet
eta ilea kzikurragoa izatea nahiko nuke,
halakotan
Ispilu aurrean lausotua nago
eta armairuan behin eta berriz
galtzen naiz
Atrezzoa zer den
eta zer ez den nahasten zaidanean
behin eta berriz
galtzen naiz
Terrorismoa zer ote den
galdetu Ciudad Juarezen edo
zure bizilagunari
Je suis Nagore diote batzuk
eta orduan
nor naizen ere ez dakit
banituen mugak zirriborratzen zaizkit
izu gehiagorik sentitu daiteke?
Arkatzak, kristalak eta telebistako albiste gehiago
Barruko arroparen tiradera irekitzerakoan
harez beteta dagoela ikusi nuen
iraileko hondartzak bezala, epel
milaka harezko erlojuren isuriak
ezer ez aurkitzera kondenatu ninduten
eta biluzik ibiltzea erabaki nuen
biluzik eta esku hutsik
krimena egina zegoen jadanik
desiratu eizna desiratu nuen
emakume lizunen bekatuak
Krisalida utzi behar izan nuen
zapore gabeko sagarak irensteaz aspertuta
Ebaren ondorengoen mirabe indargeak
fruta debekatuaren herrimina
krisalida utzi nuen
hark ni ito baino lehenago
Piztia piztu da
beste behin
pizti naiz, piztu naiz
nire oinotsen bolumena igoko dut
banatorrela ongi entzun dezazun
euriz eta beste zerbaitez
aurpegia bustitzen zaidan bitartean
basati sentitzen naiz
moztu berri dudan ilearen puntetaraino
pizti naiz, piztu naiz
beste behin
haizeak orain ekartzen
ditu noizbait eraman zituen hitzak
entzun ondo nire oinotsek diotena
ez nator gelditzeko
Azken ekarpenak
Zer da uberan.eus web orriko Komunitatea?
uberan.eus web orrian euren sormen lanak partekatu nahi dituzten kideek osatuko dute Komunitatea.
uberan.eus web orriaren baitan propio sortu den atal honetan, beraz, sormen lan horiek denak batuko dira. Eta bertan egongo dira erakusgai.
Komunitateko kideez gain, uberan.eus web orrira hurbiltzen den edonork ere bisitatu ahal izango du uberan.eus web orriko Komunitatea.
Zeintzuk dira Komunitateko kideak?
Zer egin Komunitateko kide bihurtu eta edukia gehitzeko?
Kide izateko eskaera bideratuz: beherago dagoen formularioa bete eta igorri behar duzu. Benetako datuak eman dituzula konprobatu ondoren, Komunitateko kide izateko eskaera onartuko zaizu.
Gida liburuxka bat bidaliko zaizu, eta gida horren bitartez zure sormen lanak uberan.eus orriko Komunitatera igotzeko xehetasunak jasoko dituzu.
Hortik aurrera, zure sormen lanak uberan.eus-era lotzeko aukera izango duzu.
Oharra: Ezingo da mezu iraingarririk argitaratu. Halakoetan, post hori ezabatzeko eskubidea izango du administratzaileak. Eta arazoa errepikatuko balitz, kidetza etengo litzateke.
