HAZTEKO MODUAK
«txori narrasti bat jartzen zait sorbaldan
“traidorea, traidorea” karrankaz begi-gorri
nire klasea txikiesten duen topikoa
gizendu dudalako (berriro)».
Maialen Berasategi Catalán
«Desheredatuaren kantua»
Eskuan beti zerbait, 2021, Balea Zuria
karranka
Ahari-talkaren logikan ari gara
orotariko sabaien aurka, sinetsita
joko-zelai hauxe dagokigula,
gurea ere badela plaza.
Eta halere atezuan gaude beti
satorren antzo, hanka bat atzerago
bestea baino, garaiz erretiratu behar
bagenu ere lurpera.
Katiuska zulatuekin goaz harri labainez
harri labain, egin alde batera estropezu,
heldu ondokoaren eskuari eta
segi oin bustiekin noranahi.
Xeheki aztertzen dugu ingurunea:
hitza hartzeko une doia,
mihi hozkatuak, aldamenekoaren
eta norberaren nabarmenkeria.
Ez dugu kanpoko epaile eta sikarioen
beharrik. Burujabeak gara horretan,
hara. Autolesioa aurrena, gero
orbanaren azkura.
Eta txori narrasti begi-gorri bat
sorbaldan, aldiro, karrankaz.
«Hazten joan diren minekin hazi gara,
harri gaineko lo beroarekin,
ezinen orekan».
Leire Bilbao
«Ezinen orekan»
Ezkatak, 2006, Susa
inurriak
Poltsiko bat daramat
irmotasunez gainezka,
bestean harri kozkor baten
neurriko zalantza:
Zenbat ote gaude goxo goxoegi
aurkiaren ifrentzuan?
Zenbati erretzen ote digu
negutegi-efektuak azala?
Lurra begietan gotortzen
zaidanean, inurri-koloniak
irudikatzen ditut
zirrikituez jabetzen,
pitzadurak habitatzen.
Ez dakit zenbat garen, baina
sumatzen zaituztet zirika.
Azkura, geldirik ez gauden seinale.
Azken ekarpenak 
Zer da uberan.eus web orriko Komunitatea?
uberan.eus web orrian euren sormen lanak partekatu nahi dituzten kideek osatuko dute Komunitatea.
uberan.eus web orriaren baitan propio sortu den atal honetan, beraz, sormen lan horiek denak batuko dira. Eta bertan egongo dira erakusgai.
Komunitateko kideez gain, uberan.eus web orrira hurbiltzen den edonork ere bisitatu ahal izango du uberan.eus web orriko Komunitatea.
Zeintzuk dira Komunitateko kideak?
Zer egin Komunitateko kide bihurtu eta edukia gehitzeko?
Kide izateko eskaera bideratuz: beherago dagoen formularioa bete eta igorri behar duzu. Benetako datuak eman dituzula konprobatu ondoren, Komunitateko kide izateko eskaera onartuko zaizu.
Gida liburuxka bat bidaliko zaizu, eta gida horren bitartez zure sormen lanak uberan.eus orriko Komunitatera igotzeko xehetasunak jasoko dituzu.
Hortik aurrera, zure sormen lanak uberan.eus-era lotzeko aukera izango duzu.
Oharra: Ezingo da mezu iraingarririk argitaratu. Halakoetan, post hori ezabatzeko eskubidea izango du administratzaileak. Eta arazoa errepikatuko balitz, kidetza etengo litzateke.
