Hirietako arbolak
Heldu da auto gainak
apaintzen dituzten
hosto nekatuen apologia egiteko garaia.
Nolakoak izango dira
eraikitzen ari garen hiriak
gu hil eta gero?
Norbanako berriak egongo dira ─ez nire erruz─;
etsaitasun zaharrak goputz gorakorretan;
harri berberak sudurraz asfaltoa ukitzear
egongo direnen bizkarretan
eta zapata barruetan.
Abuztuaz geroztik egongo da turroia
BMko apalategietan
polboroiak erosten jarraituko dute,
nahiz eta inork jan ez.
Alboak udaberriro inausiko dituzte,
bilantziko usaineko argiak
okotzeko ileak bailiran
bortizki desagerrarazi eta gero.
Hildako loreak oparituko dizkiete elkarri
tulipak, zitoriak, gladioloak...
eta plastikozko ur botiletan gorde
aspirina batekin.
Guk erritual bilakatutako dena
errepikatuko dute
guri gustatu ala ez,
tradizioaren boterea handiagoa baita
norbera duen agentziaz
kontziente ez denean.
Lur desegonkor bat espero izanagatik,
urmael bat jasoko dute herentzian
estufatxo baten beroaz
lehortu gurako dutena;
belaunetaraino lokaztuta,
uraren aurkako erresistentziak antolatzeaz
nazka-nazka eginda.
Urmael bat jasoko dute herentzian
ohartu orduko lurrun bilakatuko dutena;
ez dute jakingo, ordea, bagenekiela.
Badakigula hiriak lainozkoak izango direla
aurrerantzean.
Nago ez ote den seguruagoa
gu hil ondoren egongo diren horiekin baino
hiribideak apaintzen dituzten arbolekin fidatzea.
Ezer gutxi dakit botanikaz,
baina esango nuke udaberriro inausi arren,
asfaltopean hazten jarraituko dutela,
elkarren garroen usainaz maitemindu eta krak!
hiribideak arrakala bilakatu arte.
Zer da uberan.eus web orriko Komunitatea?
uberan.eus web orrian euren sormen lanak partekatu nahi dituzten kideek osatuko dute Komunitatea.
uberan.eus web orriaren baitan propio sortu den atal honetan, beraz, sormen lan horiek denak batuko dira. Eta bertan egongo dira erakusgai.
Komunitateko kideez gain, uberan.eus web orrira hurbiltzen den edonork ere bisitatu ahal izango du uberan.eus web orriko Komunitatea.
Zeintzuk dira Komunitateko kideak?
Zer egin Komunitateko kide bihurtu eta edukia gehitzeko?
Kide izateko eskaera bideratuz: beherago dagoen formularioa bete eta igorri behar duzu. Benetako datuak eman dituzula konprobatu ondoren, Komunitateko kide izateko eskaera onartuko zaizu.
Gida liburuxka bat bidaliko zaizu, eta gida horren bitartez zure sormen lanak uberan.eus orriko Komunitatera igotzeko xehetasunak jasoko dituzu.
Hortik aurrera, zure sormen lanak uberan.eus-era lotzeko aukera izango duzu.
Oharra: Ezingo da mezu iraingarririk argitaratu. Halakoetan, post hori ezabatzeko eskubidea izango du administratzaileak. Eta arazoa errepikatuko balitz, kidetza etengo litzateke.