Ane Zubeldia Magriñaren sormen-lana: «Grafiti bat»
Astelehena, 2021-11-08
Grafiti bat
(Ingelesez dauden zati guztiak Margaret Atwood-en
«There is only one of everything» poematik)
Ez dut epikan sinesten
eta horregatik
ez dut hizkuntzarik.
When my
eyes close language vanishes.
Ez dut sinesten iraultzan
barkatu
barkatu
keinu absolutuak
inposibleak dira
hitza bezain.
It will never exist
like that again.
Ez dut gauza handirik
esan
inoiz
ez dut
hitz handirik
zuentzat
barkatu
in time you will disappear
barkatu
Ez dakit besterik egiten:
barkamena eskatu
eta amorruan itotzen.
You occur
random as trees or sentences.
Hitz hutsak ditugu oinordetzan,
hormek ez dute deus berririk esaten
aspalditik
ezin dut irentsi historia
memoria
hari ahul bat da
goizero
bere burua josi behar duen
animalia mantsoaren eskuetan.
It’s your surprised body.
Ez dut hitz handirik
zuentzat
nahi dut
barkatu
horma bat
barkatu
esateko
esateko
I want this. I want
this
nahi ditut
gure bizitzak egunero.
ANE ZUBELDIAREN AURREKO SORMEN-LANAK
Azken sinadurak