Jexuxmai Lopetegi eta Joseba Sarrionandia
Asteartea, 2011-07-05Jexuxmai Lopetegi (Zarautz, 1956) musikaria Akelarre taldearekin (1985-1993) eta Kepa Junkerarekin (1994-95) ibili izan da lanean. Bakarkako bost disko kaleratu ditu Jexuxmai & Noizbehinka izenarekin, azkena Izar Uxo (2009). Aingura honetan Joseba Sarrionandiaren lehen poesia liburuko Ene eskribu guztiak poema musikatu du.
Hebraieraz Amschel dut izena,
gure amaren aitonak bezala.
Hura zen jakintsua, hura:
adats eta bizar zuri luzekoa,
egunero bainatzen zen ibaian,
neguan ere, orduan, aizkoraz
izotzean zulo bat irekirik.
Liburuak -aizkorak bezala-
zulo bat zabaldu behar du
gure baitan izozturiko itsasoan.
Luzaroan ihardun arren ere
ez dut deus ere erdietsi.
Ehortz nazazue Straschnitz hilerrian
eta ezereztu itzazue ene eskribu guziak.
Franz K.