Abian da Xabier Lete Nazioarteko Poesia Saria
Osteguna, 2021-11-04Xabier Lete Nazioarteko VI Poesia Saria antolatu du Gipuzkoako Foru Aldundiak; abenduaren 5era arte aurkez daitezke lanak. Irudia: Iazko sariduna, Jon Gerediaga (beltzez).
Hona hemen Xabier Lete Nazioarteko VI. Poesia Sariaren oinarriak.
Parte-hartzaileak
- Nahi duten idazle guztiek har dezakete parte, edozein leku eta nazionalitatekoak, lan bat edo gehiago aurkeztuz.
- Ezin izango dute lanik aurkeztu sari honen aurreko edizioetan sarituak izandakoek.
Obren betebeharrak
- Lanak gai, neurri eta errima librekoak izango dira eta 500 lerro izan beharko dute gutxienez
- Lanak, euskaraz idatziak, originalak eta argitaratu gabeak izan beharko dute.
Nolanahi ere, aldizkarietan, antologietan edo sarean argitaratu diren poema bildumak ere onartuko dira, beti ere bilduma horien ehuneko hamarra (% 10) baino gutxiago atera bada argitara. Lehiaketa honetara aurkeztu ondoren eta saria publiko egin aurretik alderdi hauetakoren batean aldaketaren bat gertatuko balitz, egilea behartuta dago antolatzaileei jakinaraztera.
- Ez dira onartuko beste hizkuntza batetik itzulitako lanak.
Aurkezteko epea eta moduak
- Epea: obrak aurkezteko epea 2021eko abenduaren 5ean amaituko da, 24:00etan (tokiko ordua). Une horretatik aurrera, online bidezko izena emateko ataria desgaitua geratuko da.
- Aurkezteko modua:
Lehiaketan izena ematea eta lanen aurkezpena modu telematikoan bakarrik egingo da, Gipuzkoako Foru Aldundiak horretarako prestatutako “Nazioarteko Poesia Sariak” webgunearen bidez, urrats hauei jarraituz:
- 1.urratsa: “Izen-ematea” atalean honako datu pertsonal, dokumentu eta onarpen hauek sartuko dira:
- Egilearen izen-abizenak, helbidea, helbide elektronikoa eta telefonoa.
- Nortasun Agiri Nazionalaren bi aldeak, eskaneatuta edo argazkia, jpg formatoan.
- Sari honen oinarriak eta baldintzak onartzea, honako hauek bermatuz: bere egiletza eta lanaren izaera argitaragabea, osoa edo partziala, beste lehiaketa batean saririk jaso ez izana, eta sinatzaileak lanaren gaineko ustiapen eskubide guztien erabilera librea duela.
- Datu pertsonalen babeseko klausula onartzea.
- 2. urratsa: Izen-ematea egin ostean, parte hartzaileak isilpeko kode bat jasoko du erregistratu duen helbide elektronikoan. Kode horrek balioko du lehiatzen den lana modu anonimoan aurkezteko.
- 3. urratsa: “Obra gehitu” atalean honako datu eta dokumentu hauek sartuko dira:
- NAN zenbakia.
- Jasotako kode isilpekoa eta besterenezina.
- Lehiaketara aurkeztutako lanaren izenburua.
- Lehiaketara aurkeztutako lana PDF formatuan, izenburuarekin bakarrik identifikatua. Beraz, ez du egilea identifikatzeko moduko xehetasunik izango. Lanak DIN A4 formatuko orrietan (210 x 297 mm) eta tarte bikoitzean idatzita aurkeztuko dira.
- 1.urratsa: “Izen-ematea” atalean honako datu pertsonal, dokumentu eta onarpen hauek sartuko dira:
- “Nire obra” atalean parte-hartzaileak bere obra sartuta dagoen egiaztatu ahal izango du, eta, beharrezkotzat jotzen badu, aldatu ahal izango du, aurkezteko epearen barnean.
- Inola ere ez da onartuko beste modu batera bidalitako alerik, hala nola posta elektronikoz, postaz, edo aurrez aurre.
Saria
- Sari bakarra egongo da, 12.000,00 euro gordinekoa, eta likidazioa indarrean dagoen zerga alorreko legeriaren arabera egingo da. Horrez gain, irabazleari garaikur artistiko bat emango zaio.
Epaimahaia
- Saria lehiakortasun erregimenean emango da. Horretarako Gipuzkoako Foru Aldundiak Epaimahai bat izendatuko du, epaimahai hori literaturan adituak diren pertsonek osatuko dute.
- Epaimahai kideak zeintzuk izango diren jendaurrean jakinaraziko da eta Gipuzkoako Aldizkari Ofizialean argitaratuko da.
Saria ematea
- Kultura, Lankidetza, Gazteria eta Kirol Departamentuko foru diputatuak, Epaimahaiaren proposamena kontuan hartuz, deialdia ebatziko du, eta betegabekotzat deklaratu ahal izango du.
- Sariaren irabazlea 2022ko martxoan jakinaraziko da publikoki. Erabakia apelaezina izango da.
Saritutako egilearen eskubideak
- Saria jasotzen duen egileak, eskubidea du:
- Bere obra argitaratuaren 100 ale jasotzeko.
- Sariari dagokion diru-kopurua jasotzeko, horrekin bere jabetza eskubideak betez, bai imprimaketa bai prozesu digitalean edo/eta Interneten bitartez.
- Jose Ramon Anda eskultoreak egindako sariaren garaikurra den artelana jasotzeko.
Saritutako obraren argitalpena
- Saritutako obra poesian espezializatutako argitaletxe ospetsu batek argitaratuko du, edizio zaindu batean.
Saritutako egilearen betebeharrak
- Saritutako egileak honako konpromiso hauek hartzen ditu bere gain:
- Saritutako lanaren geroko edozein ediziotan obrak saria lortu duela aipatzea, modu nabarmenean, honako indikazioarekin: «Xabier Lete Nazioarteko VI. Poesia Saria 2021».
- Jabetza Intelektualari buruzko apirilaren 12ko 1/1996 Legearen arabera, saritutako obra argitaratzeko beharrezkoak diren jabetza intelektualaren eskubideak lagatzea.
Parte-hartzea, interpretazioa eta bestelakoak
- Sari honetan parte hartzen duten pertsona guztiek oinarriak onartzen dituzte bere osotasunean.
- Oinarri hauen interpretazioari buruz sor litekeen edozein zalantza Gipuzkoako Foru Aldundiak ebatziko du, bere Kultura Zuzendaritza Nagusiaren bitartez.
- Epaimahaiak ebatziko du, irizpide literarioekin soilik, aipatuak izan ez diren alderdi guztiak.
- Sarituak izan ez diren jatorrizko lanak suntsituak izango dira eta itzultze eskaerak ez dira onartuko.