Maria Colerari elkarrizketa Irakurrieranen
Asteartea, 2020-05-05Maria Colera itzultzailea elkarrizketatu du Garazi Albizuak Irakurrieran saioan, Barbara Ehrenreich eta Deirdre English egileen Sorginak, emaginak eta erizainak (Katakrak, 2019) liburuaren harira, Silvia Federiciren hitzaurrearekin. (Argazkia: wikipedia).
Jarraian entzun dezakezue osorik:
Sinopsia:
Gaur egun osasun-sisteman daukagun posizioa ez da ‘naturala’ eta azalpen bat eskatzen du. Liburuxka honetan zera galdetu nahi izan dugu: Nola igaro gara iraganeko gailentasun-egoeratik egungo mendetasun-egoerara?
Gure ikerketak zera erakutsi digu: emakumezko osasun-langileen bazterketa eta gizonezko profesionalen nagusitasuna ez zirela prozesu ‘natural’ bat izan. Ez zen medikuntzazko zientziaren baitako aldaketen emaitza automatiko bat edo emakumeen sendaketa-lanak egiteko ezintasunaren emaitza, gizonezko profesionalen botere-hartze aktibo baten ondorioa baizik. Eta gizonak ez ziren zientziari esker gailendu: bilakaera honetako gudu erabakigarriak teknologia zientifiko modernoaren garapena baino askoz lehenago gertatu ziren.
Asko zegoen jokoan borroka horretan: medikuntzaren monopolio politiko eta ekonomikoak kontrola ematen zuen medikuntza-arloko antolakunde instituzionalen gainean, teoriaren eta praktikaren gainean eta irabazien eta izen onaren gainean. Gaur egun askoz gehiago dago jokoan, medikuntzaren gaineko kontrol osoa edukitzeak gauza asko erabakitzeko boterea ematen baitu: nor biziko den eta nor hilko, nor den emankor eta nor antzu, nor dagoen «eroa» eta nor bere senean