Albistegi goiztiarrenetatik gauerdiko eztabaida burutsuenetara immigrazioa berri. Etorkinak eguneroko protagonista gure ongizatearen gizartean, eta, tamalez, gure zorigaitz ororen iturburu: lana kentzen digute, lapur hutsak dira, diru-laguntzak legez kanpo jasotzen dituzte, bortizkeria dute lege… Iritziak iritzi, guzti-guztiak sistemari men egiten dion ezjakintasun eta errealitatearen begirada interesatuan oinarrituta.

Auziak elkar elikatzen duten bi alde ditu, batik bat. Lehenik eta behin, etorkinak. Askotan ahazten zaigu, eta ez genuke inolaz ere ahaztu behar, etorkinek ez dutela bere haurtzaroko herria borondatez uzten, ez dutela bere familia [...] Gehiago irakurri

Ospitalean bi egun pasatu ondoren, hil egin da Andoni. Oraintsu jaso dut berria telefonoz. Ezin dut sinetsi.

Bisita egitera joan natzaio eguerdian, lasai samar, ezer izango ez zelakoan, ohiko azterketa eta analisien leloa lasaigarri beti, baina tamalez ez da hala izan gaur. Ikusi gabe bueltatu behar izan dut etxera. Egoera zeharo irauli omen. “Oso larri, ZIUan” izan da medikuaren ustekabeko arrapostu lehorra.

Andoni eta Asun. Bizitza osorako maitasun fidela. Ezin bizi bata bestea gabe. Nola ahantzi beraien arteko laztan konplizeak, hitz-aspertu atseginak, [...] Gehiago irakurri

Ibilbide luze samarrak egiten genituen gaztaroan, eta bera genuen beti garaile. Nahiz eta euria erruz bota edota eguzkiak gogor jo, etxeko tinbrea jotzen zigun, bizikleta ondoan zuela. Argazkiz betea zuen logela. Aldizkariz mukuru gau-mahaia.

Begietan, bi gurpil.

Eskolako lagunekin lehen karrera serioetan parte hartu zuen, baina ezinean… Zaldiak ziruditen besteek, eta bera, aldiz, asto makal abaildua. Are gehiago entrenatu eta elikadura zaindu, baina alferrik. Akabo! Ezin horrela jarraitu.

Dudatu-Onartu-Puztu-Itzaldu-Negartu-Aitortu.

Pedal- eta bihotz-kolpeka eragindako sorgin-gurpil.

Hamaika kirol-bizitza bukatu edo hil.

Begietan, bi punpuil.

Askotan ekaina heldu eta eguzkiaren izpi beroak aurpegian nabaritu bezain pronto, hondartzara joateko gogoa pizten zaigu.

Bertara ailegatu eta harean geratzen gara dudati, pentsakor, itsasoari so, eta ura hotz edo bero egongo den galdetzen diogu gure buruari, oinekin hare hondarrekin jolasten hasten garen bitartean.

Alde batera eta bestera begiratu, eta bi irudi lauso ikusten ditugu hondartzaren beste puntan. Bi ausart. Haien itzalak itsasorantz arineketan [...] Gehiago irakurri

Enkanteko artelan preziatu bihurtu nahi dugu euskara. Hasierako prezioa 600.000 euro. Inork gehiago eskaintzen du?

Erosleragile guztiek pieza baliotsu honen jabetza eskuratu nahiko dute, eskubide bateraezin eta besterezina  bereganatu.

Enkantearen ondoren, irabazlea ikaragarri puztuko da pieza esleitzean. Lortu du gutizia exotikoa. Azkenik! Nirea duk!

Baina, euskarak ez du preziorik. Ez du inolako jabetza hertsirik gogoko. Exotismoa arbuiatzen du. Gurutze-bideak gorroto.

Artea eta lana maite ditu.